be-sabab wo na mere qatl ki tadbir mein tha

be-sabab vo na mire qatl kī tadbīr meñ thā

us ke hāthoñ hī se miTnā mirī taqdīr meñ thā

muntazir thā tirā dīvāna-e-gesū jis raat

ālam-e-chashm har ik halqa-e-zanjīr meñ thā

jumbish-e-lab kā gumāñ hotā thā āshiq ko tire

is qadar lutf-e-ḳhamoshī tirī tasvīr meñ thā

o kamāñ-abrū jo ik tiir lagāyā to kyā

ishtiyāq is se zyāda dil-e-naḳhchīr meñ thā

murġh-e-bismil sā taḌaptā thā har ik murġh-e-sahar

asar-e-tīr mire nāla-e-shab-gīr meñ thā

be-sabab wo na mere qatl ki tadbir mein tha

us ke hathon hi se miTna meri taqdir mein tha

muntazir tha tera diwana-e-gesu jis raat

aalam-e-chashm har ek halqa-e-zanjir mein tha

jumbish-e-lab ka guman hota tha aashiq ko tere

is qadar lutf-e-KHamoshi teri taswir mein tha

o kaman-abru jo ek tir lagaya to kya

ishtiyaq is se zyaada dil-e-naKHchir mein tha

murgh-e-bismil sa taDapta tha har ek murgh-e-sahar

asar-e-tir mere nala-e-shab-gir mein tha