be-sar-o-saman the lekin itna andaza na tha

be-sar-o-sāmāñ the lekin itnā andāza na thā

is se pahle shahr ke luTne kā āvāza na thā

zarf-e-dil dekhā to āñkheñ karb se pathrā ga.iiñ

ḳhuun rone kī tamanna kā ye ḳhamyāza na thā

aa mire pahlū meñ aa ai raunaq-e-bazm-e-ḳhayāl

lazzat-e-ruḳhsār-o-lab kā ab tak andāza na thā

ham ne dekhā hai ḳhizāñ meñ bhī tirī aamad ke baa'd

kaun sā gul thā ki gulshan meñ tar-o-tāza na thā

ham qasīda-ḳhvāñ nahīñ us husn ke lekin 'farāz'

itnā kahte haiñ rahīn-e-surma-o-ġhāza na thā

be-sar-o-saman the lekin itna andaza na tha

is se pahle shahr ke luTne ka aawaza na tha

zarf-e-dil dekha to aankhen karb se pathra gain

KHun rone ki tamanna ka ye KHamyaza na tha

aa mere pahlu mein aa ai raunaq-e-bazm-e-KHayal

lazzat-e-ruKHsar-o-lab ka ab tak andaza na tha

hum ne dekha hai KHizan mein bhi teri aamad ke ba'd

kaun sa gul tha ki gulshan mein tar-o-taza na tha

hum qasida-KHwan nahin us husn ke lekin 'faraaz'

itna kahte hain rahin-e-surma-o-ghaza na tha