be-shak apne zebai par usko naz rahe

be-shak apne zebā.ī par us ko naaz rahe

lekin shaam savere yaad aane se baaz rahe

ek muqaddas hastī ne ik roz duā ye kī

rab kī rahmat se duniyā meñ tū mumtāz rahe

qatra qatra duurī de kar jis ne maar diyā

apnoñ jaise us dushman kī umr darāz rahe

us kā dhyān kabhī nā bhūle dil meñ ho har pal

soch usī ko sochtī jaa.e narm gudāz rahe

ek qadam ke saath pe us kī laraz ga.ī āvāz

saat janam tak ham jis jhūTe kī āvāz rahe

duniyā us ke saath ho lekin us ke dil meñ ham

saare jag meñ ham ko hāsil ye e.ajāz rahe

us ne dekhā ḳhush ho ke ā.īna toḌ diyā

barsoñ apne aap se lekin ham nārāz rahe

kabhī nahīñ aayā vo kah kar us ko jāntī huuñ

jhūTī aas ke us ke paas hamesh javāz rahe

be-shak apne zebai par us ko naz rahe

lekin sham sawere yaad aane se baz rahe

ek muqaddas hasti ne ek roz dua ye ki

rab ki rahmat se duniya mein tu mumtaz rahe

qatra qatra duri de kar jis ne mar diya

apnon jaise us dushman ki umr daraaz rahe

us ka dhyan kabhi na bhule dil mein ho har pal

soch usi ko sochti jae narm gudaz rahe

ek qadam ke sath pe us ki laraz gai aawaz

sat janam tak hum jis jhuTe ki aawaz rahe

duniya us ke sath ho lekin us ke dil mein hum

sare jag mein hum ko hasil ye eajaz rahe

us ne dekha KHush ho ke aaina toD diya

barson apne aap se lekin hum naraaz rahe

kabhi nahin aaya wo kah kar us ko jaanti hun

jhuTi aas ke us ke pas hamesh jawaz rahe