be-talluq ruh ka jab jism se rishta hua
be-ta.alluq ruuh kā jab jism se rishta huā
ghar meñ lā-vāris pas-e-manzar kā sannāTā huā
dhuup lahje meñ nokīlāpan kahāñ se lā.egī
ham ne dekhā hai shafaq-sūraj abhī bujhtā huā
chāhtā hai dil kisī se raaz kī bāteñ kare
phuul aadhī raat kā āñgan meñ hai mahkā huā
surḳh mausam kī kahānī to purānī ho ga.ī
khul gayā mausam to saare shahr meñ charchā huā
āsmāñ zahrāb-manzar gum-shuda bezāriyāñ
lams tanhā.ī kā lagtā hai mujhe Dastā huā
har taraf rotī huī ḳhāmoshiyoñ kā shor hai
dekhnā ye merī bastī meñ achānak kyā huā
jism merā jāgtā hai donoñ āñkheñ band haiñ
aur sannāTā hai merī ruuh tak utrā huā
āfiyat gar chāhte ho 'riñd' vāpas ghar chalo
ab tamāshā-gāh kā manzar hai kuchh bigḌā huā
be-talluq ruh ka jab jism se rishta hua
ghar mein la-waris pas-e-manzar ka sannaTa hua
dhup lahje mein nokilapan kahan se laegi
hum ne dekha hai shafaq-suraj abhi bujhta hua
chahta hai dil kisi se raaz ki baaten kare
phul aadhi raat ka aangan mein hai mahka hua
surKH mausam ki kahani to purani ho gai
khul gaya mausam to sare shahr mein charcha hua
aasman zahrab-manzar gum-shuda bezariyan
lams tanhai ka lagta hai mujhe Dasta hua
har taraf roti hui KHamoshiyon ka shor hai
dekhna ye meri basti mein achanak kya hua
jism mera jagta hai donon aankhen band hain
aur sannaTa hai meri ruh tak utra hua
aafiyat gar chahte ho 'rind' wapas ghar chalo
ab tamasha-gah ka manzar hai kuchh bigDa hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
