be-tahasha use socha jae

be-tahāsha use sochā jaa.e

zaḳhm ko aur kuredā jaa.e

jaane vaale ko chale jaanā hai

phir bhī rasman hī pukārā jaa.e

ham ne maanā ki kabhī pī hī nahīñ

phir bhī ḳhvāhish ki sambhālā jaa.e

aaj tanhā nahīñ jaagā jaatā

raat ko saath jagāyā jaa.e

harf likhnā hī nahīñ kaafī hai

aao ab harf miTāyā jaa.e

be-tahasha use socha jae

zaKHm ko aur kureda jae

jaane wale ko chale jaana hai

phir bhi rasman hi pukara jae

hum ne mana ki kabhi pi hi nahin

phir bhi KHwahish ki sambhaala jae

aaj tanha nahin jaga jata

raat ko sath jagaya jae

harf likhna hi nahin kafi hai

aao ab harf miTaya jae