be-zamiron ke kabhi jhanse mein main aata nahin

be-zamīroñ ke kabhī jhāñse meñ maiñ aatā nahīñ

mushkiloñ kī bhiiḌ se hargiz maiñ ghabrātā nahīñ

mujh se ab apnī zabāñ se kuchh kahā jaatā nahīñ

jurm kar ke bhī koī mujrim sazā paatā nahīñ

merī ḳhuddārī sadā kartī hai merī rahbarī

maiñ kabhī patthar se apne sar ko Takrātā nahīñ

haq-shanāsī merā maslak haq-parastī merā kaam

maiñ khilaunoñ se kabhī dil apnā bahlātā nahīñ

peḌ jo detā hai saaya dhuup meñ rahtā hai vo

raushnī detā hai jo vo raushnī paatā nahīñ

aadmī ke paas ḳhud zaatī masā.il haiñ bahut

dūsroñ ke ab masā.il koī suljhātā nahīñ

ārzūoñ ke charāġhoñ ko bujhā baiThā huuñ maiñ

koī insāñ aa ke mere dil ko bahlātā nahīñ

be-zamiron ke kabhi jhanse mein main aata nahin

mushkilon ki bhiD se hargiz main ghabraata nahin

mujh se ab apni zaban se kuchh kaha jata nahin

jurm kar ke bhi koi mujrim saza pata nahin

meri KHuddari sada karti hai meri rahbari

main kabhi patthar se apne sar ko Takraata nahin

haq-shanasi mera maslak haq-parasti mera kaam

main khilaunon se kabhi dil apna bahlata nahin

peD jo deta hai saya dhup mein rahta hai wo

raushni deta hai jo wo raushni pata nahin

aadmi ke pas KHud zati masail hain bahut

dusron ke ab masail koi suljhata nahin

aarzuon ke charaghon ko bujha baiTha hun main

koi insan aa ke mere dil ko bahlata nahin