begangi ka abr-e-giran-e-bar khul gaya

begāngī kā abr-e-girāñ-e-bār khul gayā

shab maiñ ne us ko chheḌā to vo yaar khul gayā

galiyoñ meñ shaam hote hī nikle hasīn log

har rahguzar pe tabla-e-attār khul gayā

ham ne chhupāyā laakh magar chhup nahīñ sakā

anjām-e-kār rāz-e-dil-e-zār khul gayā

thā ishrat-e-shabāna kī sarmastiyoñ meñ band

bād-e-sahar se dīda-e-gulbār khul gayā

aayā vo baam par to kuchh aisā lagā 'munīr'

jaise falak pe rañg kā bāzār khul gayā

begangi ka abr-e-giran-e-bar khul gaya

shab main ne us ko chheDa to wo yar khul gaya

galiyon mein sham hote hi nikle hasin log

har rahguzar pe tabla-e-attar khul gaya

hum ne chhupaya lakh magar chhup nahin saka

anjam-e-kar raaz-e-dil-e-zar khul gaya

tha ishrat-e-shabana ki sarmastiyon mein band

baad-e-sahar se dida-e-gulbar khul gaya

aaya wo baam par to kuchh aisa laga 'munir'

jaise falak pe rang ka bazar khul gaya