hamin se apni nawa ham-kalam hoti rahi
hamīñ se apnī navā ham-kalām hotī rahī
ye teġh apne lahū meñ niyām hotī rahī
muqābil-e-saf-e-a.adā jise kiyā āġhāz
vo jañg apne hī dil meñ tamām hotī rahī
koī masīhā na īfā-e-ahd ko pahuñchā
bahut talāsh pas-e-qatl-e-ām hotī rahī
ye barhaman kā karam vo atā-e-shaiḳh-e-haram
kabhī hayāt kabhī mai harām hotī rahī
jo kuchh bhī ban na paḌā 'faiz' luT ke yāroñ se
to rahzanoñ se duā-o-salām hotī rahī
hamin se apni nawa ham-kalam hoti rahi
ye tegh apne lahu mein niyam hoti rahi
muqabil-e-saf-e-ada jise kiya aaghaz
wo jang apne hi dil mein tamam hoti rahi
koi masiha na ifa-e-ahd ko pahuncha
bahut talash pas-e-qatl-e-am hoti rahi
ye barhaman ka karam wo ata-e-shaiKH-e-haram
kabhi hayat kabhi mai haram hoti rahi
jo kuchh bhi ban na paDa 'faiz' luT ke yaron se
to rahzanon se dua-o-salam hoti rahi
- Book : Nuskha Hai Wafa (Pg. 547)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
