bewafa hun na wafadar hun main
bevafā huuñ na vafādār huuñ maiñ
sach to ye hai ki adākār huuñ maiñ
sī diye us ne mire hoñT to kyā
ab mujassam lab-e-iz.hār huuñ maiñ
mere hāthoñ meñ gaḌe haiñ kāñTe
phuul huuñ aur sar-e-dār huuñ maiñ
har kiran Duub chalī sūrat-e-nabz
kin añdheroñ meñ ziyā-bār huuñ maiñ
zehn hai sar pe laTaktī talvār
kin aqā.ed meñ giraftār huuñ maiñ
is liye mujh se ḳhafā hai koī
us kā hote hue ḳhuddār huuñ maiñ
bewafa hun na wafadar hun main
sach to ye hai ki adakar hun main
si diye us ne mere honT to kya
ab mujassam lab-e-izhaar hun main
mere hathon mein gaDe hain kanTe
phul hun aur sar-e-dar hun main
har kiran Dub chali surat-e-nabz
kin andheron mein ziya-bar hun main
zehn hai sar pe laTakti talwar
kin aqaed mein giraftar hun main
is liye mujh se KHafa hai koi
us ka hote hue KHuddar hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
