bezar is qadar hain teri be-ruKHi se hum

bezār is qadar haiñ tirī be-ruḳhī se ham

muddat huī ki milte nahīñ haiñ kisī se ham

pūchhā kisī ne haal to bas muskurā diye

sach baat ko bhī Taal ga.e sādgī se ham

apne bhī bad-gumāñ haiñ zamāna bhī hai ḳhafā

baaz aa.e tire ishq tirī dilbarī se ham

ham ko hamāre ghar kā añdherā aziiz hai

rahte haiñ duur duur na.ī raushnī se ham

kū-e-butāñ se ham bhī guzarte haiñ gāh-gāh

rakhte haiñ rasm-o-rāh magar duur hī se ham

ham shā.irī ko bojh samajhte nahīñ 'majīd'

lete haiñ zindagī kā mazā shā.irī se ham

bezar is qadar hain teri be-ruKHi se hum

muddat hui ki milte nahin hain kisi se hum

puchha kisi ne haal to bas muskura diye

sach baat ko bhi Tal gae sadgi se hum

apne bhi bad-guman hain zamana bhi hai KHafa

baz aae tere ishq teri dilbari se hum

hum ko hamare ghar ka andhera aziz hai

rahte hain dur dur nai raushni se hum

ku-e-butan se hum bhi guzarte hain gah-gah

rakhte hain rasm-o-rah magar dur hi se hum

hum shairi ko bojh samajhte nahin 'majid'

lete hain zindagi ka maza shairi se hum