bhage achchhi shaklon wale ishq hai goya kaam bura

bhāge achchhī shakloñ vaale ishq hai goyā kaam burā

apnī hālat kyā meñ batā.ūñ bad achchhā badnām burā

gesū-o-ruḳh ko jab se chāhā tab se merā rañg ye hai

shaam achchhā to sub.h burā aur sub.h achchhā to shaam burā

qadar ho kyā ḳhaak us ke ghar meñ āñdhī ke sī aam haiñ dil

āshiq TuuTe paḌte haiñ har roz kā izn-e-ām burā

bāñdh ke halqe ghereñge ab mere dil kī ḳhair nahīñ

ghūñghar vaale gesū us ke bāñdh rahe haiñ laam burā

sar pe amāma haath meñ sub.ha 'shauq' na jā but-ḳhāne ko

but haiñ baḌe kāfir rakh deñge sar ilzām burā

bhage achchhi shaklon wale ishq hai goya kaam bura

apni haalat kya mein bataun bad achchha badnam bura

gesu-o-ruKH ko jab se chaha tab se mera rang ye hai

sham achchha to subh bura aur subh achchha to sham bura

qadar ho kya KHak us ke ghar mein aandhi ke si aam hain dil

aashiq TuTe paDte hain har roz ka izn-e-am bura

bandh ke halqe gherenge ab mere dil ki KHair nahin

ghunghar wale gesu us ke bandh rahe hain lam bura

sar pe amama hath mein subha 'shauq' na ja but-KHane ko

but hain baDe kafir rakh denge sar ilzam bura