bhala ghamon se kahan haar jaane wale the

bhalā ġhamoñ se kahāñ haar jaane vaale the

ham āñsuoñ kī tarah muskurāne vaale the

hamīñ ne kar diyā elān-e-gumrahī varna

hamāre pīchhe bahut log aane vaale the

unheñ to ḳhaak meñ milnā hī thā ki mere the

ye ashk kaun se ūñche gharāne vaale the

unheñ qarīb na hone diyā kabhī maiñ ne

jo dostī meñ hadeñ bhuul jaane vaale the

maiñ jin ko jaan ke pahchān bhī nahīñ saktā

kuchh aise log mirā ghar jalāne vaale the

hamārā alamiya ye thā ki ham-safar bhī hameñ

vahī mile jo bahut yaad aane vaale the

'vasīm' kaisī ta.alluq kī raah thī jis meñ

vahī mile jo bahut dil dukhāne vaale the

bhala ghamon se kahan haar jaane wale the

hum aansuon ki tarah muskurane wale the

hamin ne kar diya elan-e-gumrahi warna

hamare pichhe bahut log aane wale the

unhen to KHak mein milna hi tha ki mere the

ye ashk kaun se unche gharane wale the

unhen qarib na hone diya kabhi main ne

jo dosti mein haden bhul jaane wale the

main jin ko jaan ke pahchan bhi nahin sakta

kuchh aise log mera ghar jalane wale the

hamara alamiya ye tha ki ham-safar bhi hamein

wahi mile jo bahut yaad aane wale the

'wasim' kaisi talluq ki rah thi jis mein

wahi mile jo bahut dil dukhane wale the