bhar do jholi meri ya mohammad lauT kar main na jaunga Khaali

bhar do jholī mirī yā mohammad lauT kar maiñ na jā.ūñgā ḳhālī

kuchh navāsoñ kā sadqa atā ho dar pe aayā huuñ ban kar savālī

haq se paa.ī vo shān-e-karīmī marhabā donoñ aalam ke vaalī

us kī qismat kā chamkā sitāra jis pe nazar-e-karam tum ne Daalī

zindagī baḳhsh dī bandagī ko aabrū dīn-e-haq kī bachā lī

vo mohammad kā pyārā navāsā jis ne sajde meñ gardan kaTā lī

hashr meñ un ko dekheñge jis dam ummatī ye kaheñge ḳhushī se

aa rahe haiñ vo dekho mohammad jin ke kāñdhe pe kamlī hai kaalī

āshiq-e-mustafā kī azaañ meñ allah allāh kitnā asar thā

arsh vaale bhī sunte the jis ko kyā azaañ thī azān-e-bilālī

kaash 'purnam' dayār-e-nabī meñ jiite jī ho bulāvā kisī din

hāl-e-ġham mustafā ko sunā.ūñ thaam kar un ke rauze kī jaalī

bhar do jholi meri ya mohammad lauT kar main na jaunga KHali

kuchh nawason ka sadqa ata ho dar pe aaya hun ban kar sawali

haq se pai wo shan-e-karimi marhaba donon aalam ke wali

us ki qismat ka chamka sitara jis pe nazar-e-karam tum ne Dali

zindagi baKHsh di bandagi ko aabru din-e-haq ki bacha li

wo mohammad ka pyara nawasa jis ne sajde mein gardan kaTa li

hashr mein un ko dekhenge jis dam ummati ye kahenge KHushi se

aa rahe hain wo dekho mohammad jin ke kandhe pe kamli hai kali

aashiq-e-mustafa ki azan mein allah allah kitna asar tha

arsh wale bhi sunte the jis ko kya azan thi azan-e-bilali

kash 'purnam' dayar-e-nabi mein jite ji ho bulawa kisi din

haal-e-gham mustafa ko sunaun tham kar un ke rauze ki jali