bhare hue jam par surahi ka sar jhuka to bura lagega
bhare hue jam par surahi ka sar jhuka to bura lagega
Zubair Ali Tabish
MORE BYZubair Ali Tabish
bhare hue jaam par surāhī kā sar jhukā to burā lagegā
jise terī aarzū nahīñ tū use milā to burā lagegā
ye aisā rasta hai jis pe har koī bārhā laḌkhaḌā rahā hai
maiñ pahlī Thokar ke baad hī gar sambhal gayā to burā lagegā
maiñ ḳhush huuñ us ke nikālne par aur itnā aage nikal chukā huuñ
ke ab achānak se us ne vāpas bulā liyā to burā lagegā
ye āḳhirī kañpkañpātā jumla ki is ta.alluq ko ḳhatm kar do
baḌe jatan se kahā hai us ne nahīñ kiyā to burā lagegā
na jaane kitne ġhamoñ ko piine ke ba.ad tābish chaḌhī udāsī
kisī ne aise meñ aa ke ham ko hañsā diyā to burā lagegā
bhare hue jam par surahi ka sar jhuka to bura lagega
jise teri aarzu nahin tu use mila to bura lagega
ye aisa rasta hai jis pe har koi barha laDkhaDa raha hai
main pahli Thokar ke baad hi gar sambhal gaya to bura lagega
main KHush hun us ke nikalne par aur itna aage nikal chuka hun
ke ab achanak se us ne wapas bula liya to bura lagega
ye aaKHiri kanpkanpata jumla ki is talluq ko KHatm kar do
baDe jatan se kaha hai us ne nahin kiya to bura lagega
na jaane kitne ghamon ko pine ke baad tabish chaDhi udasi
kisi ne aise mein aa ke hum ko hansa diya to bura lagega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
