bhare moti hain goya tujh dahan mein

bhare motī haiñ goyā tujh dahan meñ

ki dur-rezī tū kartā hai suḳhan meñ

bahār-ārā vahī hai har chaman meñ

usī kī bū hai nasrīn-o-saman meñ

na phir īdhar udhar nāhaq bhaTaktā

ki hai vo jalva-gar tere hī man meñ

jahāñ vo hai nahīñ vaañ kufr o islām

abas jhagḌā hai shaiḳh o barhaman meñ

huī jaatī hai paanī sharm se sham.a

magar vo maah aayā anjuman meñ

chhuḌāyā thā nipaT mushkil se phir aah

dil aTkā us kī zulf-e-pur-shikan meñ

junūñ ne dast-kārī aisī bhī kī

na thā goyā garebāñ pairahan meñ

marā jaatā hai jis ġhairat meñ dariyā

girā kis kā hai dil chāh-e-zaqan meñ

magar parvāna jal kar ho gayā ḳhaak

ki ro-ro sham.a jaltī hai lagan meñ

jo sunte the dam-e-īsā kā e.ajāz

so dekhā ham ne vo tere suḳhan meñ

na dekhā us parī-jalva ko 'bedār'

rahā mashġhūl tū yaañ mā-o-man meñ

bhare moti hain goya tujh dahan mein

ki dur-rezi tu karta hai suKHan mein

bahaar-ara wahi hai har chaman mein

usi ki bu hai nasrin-o-saman mein

na phir idhar udhar nahaq bhaTakta

ki hai wo jalwa-gar tere hi man mein

jahan wo hai nahin wan kufr o islam

abas jhagDa hai shaiKH o barhaman mein

hui jati hai pani sharm se shama

magar wo mah aaya anjuman mein

chhuDaya tha nipaT mushkil se phir aah

dil aTka us ki zulf-e-pur-shikan mein

junun ne dast-kari aisi bhi ki

na tha goya gareban pairahan mein

mara jata hai jis ghairat mein dariya

gira kis ka hai dil chah-e-zaqan mein

magar parwana jal kar ho gaya KHak

ki ro-ro shama jalti hai lagan mein

jo sunte the dam-e-isa ka eajaz

so dekha hum ne wo tere suKHan mein

na dekha us pari-jalwa ko 'bedar'

raha mashghul tu yan ma-o-man mein