bhed paen to rah-e-yar mein gum ho jaen

Ahmad Faraz

bhed paen to rah-e-yar mein gum ho jaen

Ahmad Faraz

MORE BYAhmad Faraz

    bhed paa.eñ to rah-e-yār meñ gum ho jaa.eñ

    varna kis vāste be-kār meñ gum ho jaa.eñ

    kyā kareñ arz-e-tamannā ki tujhe dekhte

    lafz pairāya-e-iz.hār meñ gum ho jaa.eñ

    ye na ho tum bhī kisī bhiiḌ meñ kho jaao kahīñ

    ye na ho ham kisī bāzār meñ gum ho jaa.eñ

    kis tarah tujh se kaheñ kitnā bhalā lagtā hai

    tujh ko dekheñ tire dīdār meñ gum ho jaa.eñ

    ham tire shauq meñ yuuñ ḳhud ko gañvā baiThe haiñ

    jaise bachche kisī tyauhār meñ gum ho jaa.eñ

    pech itne bhī na do kirmak-e-resham tarah

    dekhnā sar na dastār meñ gum ho jaa.eñ

    aisā āshob-e-zamāna hai ki Dar lagtā hai

    dil ke mazmūñ na ash.ār meñ gum ho jaa.eñ

    shahryāroñ ke bulāve bahut aate haiñ 'farāz'

    ye na ho aap bhī darbār meñ gum ho jaa.eñ

    bhed paen to rah-e-yar mein gum ho jaen

    warna kis waste be-kar mein gum ho jaen

    kya karen arz-e-tamanna ki tujhe dekhte hi

    lafz pairaya-e-izhaar mein gum ho jaen

    ye na ho tum bhi kisi bhiD mein kho jao kahin

    ye na ho hum kisi bazar mein gum ho jaen

    kis tarah tujh se kahen kitna bhala lagta hai

    tujh ko dekhen tere didar mein gum ho jaen

    hum tere shauq mein yun KHud ko ganwa baiThe hain

    jaise bachche kisi tyauhaar mein gum ho jaen

    pech itne bhi na do kirmak-e-resham ki tarah

    dekhna sar hi na dastar mein gum ho jaen

    aisa aashob-e-zamana hai ki Dar lagta hai

    dil ke mazmun hi na ashaar mein gum ho jaen

    shahryaron ke bulawe bahut aate hain 'faraaz'

    ye na ho aap bhi darbar mein gum ho jaen

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY