bhejta hun aapko apni pasandida ghazal

bhejtā huuñ aap ko apnī pasandīda ġhazal

taaza taaza nā-shunīda aur nādīda ġhazal

dāstān-e-husn bhī hai ye sarāpā husn bhī

sang-e-marmar se misāl-e-but tarāshīda ġhazal

'mīr' 'ġhālib' 'zauq'-o-'momin' par bhī thī jaañ se nisār

thī bahādur-shāh kī har chand girvīda ġhazal

shohra-e-āfāq hai is kā jamāl-e-fikr-o-fan

saarī asnāf-e-suḳhan meñ hai jahāñ-dīda ġhazal

pāra-pāra ho na jaa.e māh-pāra dekhiye

hai havasn-ākoñ ke hāthoñ aaj ranjīda ġhazal

sher kī aamad nahīñ hotī hai kyā 'nāshād' ab

shā.irān-e-asr to kahte haiñ pechīda ġhazal

bhejta hun aap ko apni pasandida ghazal

taza taza na-shunida aur nadida ghazal

dastan-e-husn bhi hai ye sarapa husn bhi

sang-e-marmar se misal-e-but tarashida ghazal

'mir' 'ghaalib' 'zauq'-o-'momin' par bhi thi jaan se nisar

thi bahadur-shah ki har chand girwida ghazal

shohra-e-afaq hai is ka jamal-e-fikr-o-fan

sari asnaf-e-suKHan mein hai jahan-dida ghazal

para-para ho na jae mah-para dekhiye

hai hawasn-akon ke hathon aaj ranjida ghazal

sher ki aamad nahin hoti hai kya 'nashad' ab

shairan-e-asr to kahte hain pechida ghazal