bhula dene walon ki yaad aa rahi hai

bhulā dene vāloñ kī yaad aa rahī hai

bhulā.e hue ḳhvāb dikhlā rahī hai

aziyyat meñ rāhat ḳhalish meñ sukūñ hai

tabī.at ajab lazzateñ pā rahī hai

tasavvur meñ vo zulf-e-mushkīñ basī hai

mo.attar mo.attar sabā aa rahī hai

mire vāste ġhuncha-e-jāñ-fazā meñ

tabassum kī shoḳhī bharī jā rahī hai

bahak kar bhaTak kar nigāheñ bachā kar

mire dil kī jānib nazar aa rahī hai

zabāñ ke tavassut se āzād ho kar

hadīs-e-tamanna kahī jā rahī hai

ye merī tamanna kī gul-kāriyāñ haiñ

ki phūloñ se duniyā paTī jā rahī hai

javānī meñ ulfat kī halqa-ba-goshī

ye rasm-e-kuhan to chalī jā rahī hai

mohabbat ko dīvāngī jānte haiñ

mohabbat magar phir bhī kī jā rahī hai

bhula dene walon ki yaad aa rahi hai

bhulae hue KHwab dikhla rahi hai

aziyyat mein rahat KHalish mein sukun hai

tabiat ajab lazzaten pa rahi hai

tasawwur mein wo zulf-e-mushkin basi hai

moattar moattar saba aa rahi hai

mere waste ghuncha-e-jaan-faza mein

tabassum ki shoKHi bhari ja rahi hai

bahak kar bhaTak kar nigahen bacha kar

mere dil ki jaanib nazar aa rahi hai

zaban ke tawassut se aazad ho kar

hadis-e-tamanna kahi ja rahi hai

ye meri tamanna ki gul-kariyan hain

ki phulon se duniya paTi ja rahi hai

jawani mein ulfat ki halqa-ba-goshi

ye rasm-e-kuhan to chali ja rahi hai

mohabbat ko diwangi jaante hain

mohabbat magar phir bhi ki ja rahi hai