bhuke jismon ki KHwahishon ke liye

bhūke jismoñ kī ḳhvāhishoñ ke liye

ham mile the zarūratoñ ke liye

jhāñk lenā burā nahīñ hotā

achchhā hotā hai khiḌkiyoñ ke liye

chaar hissoñ meñ baT ke rah jaanā

kitnā mushkil hai āñganoñ ke liye

merī har nazm laḌkiyoñ pe nisār

merā har sher auratoñ ke liye

bhiig jaanā mujhe bhī aatā hai

ek elaan bārishoñ ke liye

dhobiyoñ ke liye bahut ādāb

tāliyāñ us ke darziyoñ ke liye

un dukānoñ meñ dastiyāb kahāñ

lipstick aap ke laboñ ke liye

vo mujhe is tarah zarūrī hai

ghanTiyāñ jaise mandiroñ ke liye

us kā chehra ġhazal kī achchhī kitāb

us kī āñkheñ samundaroñ ke liye

bhuke jismon ki KHwahishon ke liye

hum mile the zaruraton ke liye

jhank lena bura nahin hota

achchha hota hai khiDkiyon ke liye

chaar hisson mein baT ke rah jaana

kitna mushkil hai aanganon ke liye

meri har nazm laDkiyon pe nisar

mera har sher auraton ke liye

bhig jaana mujhe bhi aata hai

ek elan barishon ke liye

dhobiyon ke liye bahut aadab

taliyan us ke darziyon ke liye

un dukanon mein dastiyab kahan

lipstick aap ke labon ke liye

wo mujhe is tarah zaruri hai

ghanTiyan jaise mandiron ke liye

us ka chehra ghazal ki achchhi kitab

us ki aankhen samundaron ke liye