bhul baiThe sari duniya aashiqi ki KHatir

bhuul baiThe saarī duniyā āshiqī kī ḳhātir

āshiqī bhī chhoḌ dī phir naukrī kī ḳhātir

maar Daalā har ḳhushī ko ḳhāmushī kī ḳhātir

kyā nahīñ us ne kiyā merī hañsī kī ḳhātir

muflisī aisī adū ko bhī na baḳhshe maulā

bechnā ho jo charāġhāñ raushnī kī ḳhātir

jaane kitne log guzre mujh se ho kar bhaa.ī

muntazir maiñ rah gayā ik aadmī kī ḳhātir

zindagī ko zindagī samjhā nahīñ jaane kyuuñ

zindagī bhī jā rahī thī zindagī kī ḳhātir

qaid karnā chāhte the log sūraj ghar meñ

maiñ laḌā kyuuñ raushnī se tīrgī kī ḳhātir

ziist ko bhī ik tamāsha hī banā kar rakkhā

ai 'shafaq' kyā tum ne chhoḌā shā.irī kī ḳhātir

bhul baiThe sari duniya aashiqi ki KHatir

aashiqi bhi chhoD di phir naukri ki KHatir

mar Dala har KHushi ko KHamushi ki KHatir

kya nahin us ne kiya meri hansi ki KHatir

muflisi aisi adu ko bhi na baKHshe maula

bechna ho jo charaghan raushni ki KHatir

jaane kitne log guzre mujh se ho kar bhai

muntazir main rah gaya ek aadmi ki KHatir

zindagi ko zindagi samjha nahin jaane kyun

zindagi bhi ja rahi thi zindagi ki KHatir

qaid karna chahte the log suraj ghar mein

main laDa kyun raushni se tirgi ki KHatir

zist ko bhi ek tamasha hi bana kar rakkha

ai 'shafaq' kya tum ne chhoDa shairi ki KHatir