bhul bhi jaen tujhe zaKHm purana bhi to ho

bhuul bhī jaa.eñ tujhe zaḳhm purānā bhī to ho

jī bhī leñ jiine ko jiine kā bahāna bhī to ho

ham ne sīkhā hī nahīñ tark-e-muravvat kā sabaq

baat baḌhtī hai magar baat baḌhānā bhī to ho

ab ke maqtal ko kisī mele kī zīnat kar do

phir tamāsha jo saje saath zamāna bhī to ho

dasht-dar-dasht sahī ābla-pā.ī hī sahī

aur masāfat hī sahī koī Thikāna bhī to ho

aao yārān-e-jafā! zaḳhm kuredo dil ke

bazm-e-yārāñ hai zarā jalnā-jalānā bhī to ho

shab kī zulmat kī qasam shab meñ ujālā kar deñ

ham charāġhoñ sā jaleñ to kahīñ aanā bhī to ho

ham jo chāheñ to tirā naqsh miTā deñ dil se

haañ magar dil se tirā naqsh miTānā bhī to ho

ham ko maslūb karo lāsha jalā do chāhe

qabl-e-ta.azīr koī sunñā-sunānā bhī to ho

shaah jī raat ga.e der ga.e tak bhaTko

kaisī tāḳhīr kahīñ lauT ke jaanā bhī to ho

bhul bhi jaen tujhe zaKHm purana bhi to ho

ji bhi len jine ko jine ka bahana bhi to ho

hum ne sikha hi nahin tark-e-murawwat ka sabaq

baat baDhti hai magar baat baDhana bhi to ho

ab ke maqtal ko kisi mele ki zinat kar do

phir tamasha jo saje sath zamana bhi to ho

dasht-dar-dasht sahi aabla-pai hi sahi

aur masafat hi sahi koi Thikana bhi to ho

aao yaran-e-jafa! zaKHm kuredo dil ke

bazm-e-yaran hai zara jalna-jalana bhi to ho

shab ki zulmat ki qasam shab mein ujala kar den

hum charaghon sa jalen to kahin aana bhi to ho

hum jo chahen to tera naqsh miTa den dil se

han magar dil se tera naqsh miTana bhi to ho

hum ko maslub karo lasha jala do chahe

qabl-e-tazir koi sunna-sunana bhi to ho

shah ji raat gae der gae tak bhaTko

kaisi taKHir kahin lauT ke jaana bhi to ho