بچھڑ کے مجھ سے تمہیں کوئی ہم نوا نہ ملے

بچھڑ کے مجھ سے تمہیں کوئی ہم نوا نہ ملے

اگر ملے بھی تو جانفؔ سا خوش نما نہ ملے

میں تم کو ڈھونڈھتا رہتا ہوں تم نہیں ملتے

تمہیں بھی میرا کہیں کوئی نقش پا نہ ملے

میں چاہتا ہوں کہ چھپ کر کرے وہ جو بھی کرے

میں چاہتا ہوں وہ لوگوں سے برملا نہ ملے

اسی لئے تو میں تیار رہتا ہوں ہر وقت

بغیر پیشگی نوٹس کے یار آ نہ ملے

میں آنکھ بند کروں اور اس کے کھلنے پر

وہاں ملوں کہ جہاں کوئی پارسا نہ ملے

مجھے بھلا کے اسے جانا ہے خدا کے پاس

خدا کرے کہ خدا کا اسے پتا نہ ملے