bichhaDte damanon mein apni kuchh parchhaiyan rakh do
bichhaḌte dāmanoñ meñ apnī kuchh parchhā.iyāñ rakh do
sukūt-e-zindagī meñ dil kī kuchh be-tābiyāñ rakh do
kahīñ aisā na ho maiñ duur ḳhud apne se ho jā.ūñ
merī hastī ke hañgāmoñ meñ kuchh tanhā.iyāñ rakh do
mire afkār ho jaa.eñ na farsūda zamāne meñ
nigāhoñ se tum apne in meñ kuchh gahrā.iyāñ rakh do
mirā har iztirāb-e-dil nishāñ manzil kā ban jaa.e
tamannāoñ meñ merī husn kī añgḌā.iyāñ rakh do
rahe baaqī na phir suud o ziyāñ kā mas.ala koī
mire ḳhirman meñ apne haath se chingāriyāñ rakh do
kisī ko baḳhsh do 'izzat kisī ko sīm-o-zar de do
mire hisse meñ rāh-e-ishq kī rusvā.iyāñ rakh do
kisī bhī ġhair kī jānib nazar uTThe 'farāz' ab kyuuñ
nigāhoñ meñ tum us kī apnī sab ra.anā.iyāñ rakh do
bichhaDte damanon mein apni kuchh parchhaiyan rakh do
sukut-e-zindagi mein dil ki kuchh be-tabiyan rakh do
kahin aisa na ho main dur KHud apne se ho jaun
meri hasti ke hangamon mein kuchh tanhaiyan rakh do
mere afkar ho jaen na farsuda zamane mein
nigahon se tum apne in mein kuchh gahraiyan rakh do
mera har iztirab-e-dil nishan manzil ka ban jae
tamannaon mein meri husn ki angDaiyan rakh do
rahe baqi na phir sud o ziyan ka masala koi
mere KHirman mein apne hath se chingariyan rakh do
kisi ko baKHsh do 'izzat kisi ko sim-o-zar de do
mere hisse mein rah-e-ishq ki ruswaiyan rakh do
kisi bhi ghair ki jaanib nazar uTThe 'faraaz' ab kyun
nigahon mein tum us ki apni sab ranaiyan rakh do
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
