bichhDe hue dilon ko milane se rakh gharaz

bichhḌe hue diloñ ko milāne se rakh ġharaz

aapas kī nafratoñ ko miTāne se rakh ġharaz

taale zabāñ pe apnī lagāne se rakh ġharaz

īmān har qadam pe bachāne se rakh ġharaz

rah dushmanoñ se apne ḳhabar-dār har ghaḌī

aur dostoñ ke aib chhupāne se rakh ġharaz

dañgoñ ke ḳhauf se na dikhā buzdilī kabhī

amn-o-amāñ kī bel chaḌhāne se rakh ġharaz

na dekh zāt-pāt razākār hai agar

jalte hue gharoñ ko bujhāne se rakh ġharaz

har gaam par buland azā.em kā de sabaq

āñdhī meñ bhī charāġh jalāne se rakh ġharaz

lāzim nahīñ ki har koī ho jaa.e muttafiq

'muḳhlis' tū fan ke motī luTāne se rakh ġharaz

bichhDe hue dilon ko milane se rakh gharaz

aapas ki nafraton ko miTane se rakh gharaz

tale zaban pe apni lagane se rakh gharaz

iman har qadam pe bachane se rakh gharaz

rah dushmanon se apne KHabar-dar har ghaDi

aur doston ke aib chhupane se rakh gharaz

dangon ke KHauf se na dikha buzdili kabhi

amn-o-aman ki bel chaDhane se rakh gharaz

na dekh zat-pat razakar hai agar

jalte hue gharon ko bujhane se rakh gharaz

har gam par buland azaem ka de sabaq

aandhi mein bhi charagh jalane se rakh gharaz

lazim nahin ki har koi ho jae muttafiq

'muKHlis' tu fan ke moti luTane se rakh gharaz