bichhDe hue logon ko sine mein basa rakhna

bichhḌe hue logoñ ko siine meñ basā rakhnā

apnā to muqaddar hai āñkhoñ ko bujhā rakhnā

sochā nahīñ karte haiñ biitī huī bātoñ ko

bahte hue ashkoñ ko himmat se dabā rakhnā

sone sī koī sūrat ubhregī chaTānoñ par

sūraj se do-pahrī bhar ik rabt banā rakhnā

shāyad yahīñ mil jaa.e vo shaḳhs jo bichhḌā hai

sunsān se manzar ko bātoñ meñ lagā rakhnā

kāñdhoñ pe uThā rakhnā duniyā ke har ik ġham ko

aur ḳhud ko zamāna kī fitrat se judā rakhnā

ro.eñ to vahī āñkheñ DhūñDheñ to vahī chehra

aadat sī koī jaise din raat banā rakhnā

ik aas to rahtī hai ye zindagī rahne tak

in bevafā logoñ kī fihrist banā rakhnā

bichhDe hue logon ko sine mein basa rakhna

apna to muqaddar hai aankhon ko bujha rakhna

socha nahin karte hain biti hui baaton ko

bahte hue ashkon ko himmat se daba rakhna

sone si koi surat ubhregi chaTanon par

suraj se do-pahri bhar ek rabt bana rakhna

shayad yahin mil jae wo shaKHs jo bichhDa hai

sunsan se manzar ko baaton mein laga rakhna

kandhon pe uTha rakhna duniya ke har ek gham ko

aur KHud ko zamana ki fitrat se juda rakhna

roen to wahi aankhen DhunDhen to wahi chehra

aadat si koi jaise din raat bana rakhna

ek aas to rahti hai ye zindagi rahne tak

in bewafa logon ki fihrist bana rakhna