bit gaya hai pyar ka mausam ghar ghar sahra jaisa hai
biit gayā hai pyaar kā mausam ghar ghar sahrā jaisā hai
dil ke darvāze par ab to ḳhāmoshī kā pahrā hai
saat samundar paar jo aa kar dasht-e-fazā ko dekhā hai
ret kā manzar āñkhoñ meñ hai dil meñ ḳhauf kā dariyā hai
us kī kashtī Duub ga.ī thī biich bhañvar meñ aa ke magar
kis mushkil se jaan bachā kar sāhil tak vo aayā hai
zulmat kī rāhoñ meñ ham bhī gum ho kar rah jaate magar
nuur kā paikar saath hamāre aage aage chaltā hai
bhuul gayā huuñ sab kuchh 'sālim' mujh ko kuchh bhī yaad nahīñ
yādoñ ke ā.īne meñ ab ik ik chehra dhundlā hai
bit gaya hai pyar ka mausam ghar ghar sahra jaisa hai
dil ke darwaze par ab to KHamoshi ka pahra hai
sat samundar par jo aa kar dasht-e-faza ko dekha hai
ret ka manzar aankhon mein hai dil mein KHauf ka dariya hai
us ki kashti Dub gai thi bich bhanwar mein aa ke magar
kis mushkil se jaan bacha kar sahil tak wo aaya hai
zulmat ki rahon mein hum bhi gum ho kar rah jate magar
nur ka paikar sath hamare aage aage chalta hai
bhul gaya hun sab kuchh 'salim' mujh ko kuchh bhi yaad nahin
yaadon ke aaine mein ab ek ek chehra dhundla hai
- Book : Aiwan (Pg. 94)
- Author : Manazir Ashiq Harganvi & Shahid Nayeem
- Publication : Nirali Duniya (1998)
- Edition : 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
