bite lamhe kal ki baaten yaad aain

biite lamhe kal kī bāteñ yaad aa.iiñ

vo rañgoñ kī sab barsāteñ yaad aa.iiñ

din dekhā to chehra terā yaad aayā

raat ke dekhe zulf kī rāteñ yaad aa.eñ

beTā m-a kar ke ghar meñ baiTh gayā

apne vaqt kī chaar jamā.ateñ yaad aa.iiñ

jaltī dhuup meñ nañge paañv chalne par

ThanDe lahje kī sauġhāteñ yaad aa.iiñ

aaj kī jiit pe dil aisā vīrān huā

kal kī hañstī-kheltī bāteñ yaad aa.eñ

jhūTī shaan kā sūraj Dūbte dekhā to

apnī dubkī sahmī zāteñ yaad aa.iiñ

'hasrat' jab beTī kī Dolī lauT ga.ī

lauTne vaalī sab bārāteñ yaad aa.iiñ

bite lamhe kal ki baaten yaad aain

wo rangon ki sab barsaten yaad aain

din dekha to chehra tera yaad aaya

raat ke dekhe zulf ki raaten yaad aaen

beTa m-a kar ke ghar mein baiTh gaya

apne waqt ki chaar jamaaten yaad aain

jalti dhup mein nange panw chalne par

ThanDe lahje ki saughaten yaad aain

aaj ki jit pe dil aisa viran hua

kal ki hansti-khelti baaten yaad aaen

jhuTi shan ka suraj Dubte dekha to

apni dubki sahmi zaten yaad aain

'hasrat' jab beTi ki Doli lauT gai

lauTne wali sab baraaten yaad aain