bina bole hi sab kuchh jaan jae

binā bole hī sab kuchh jaan jaa.e

vo kaash āñkhoñ kā dukh pahchān jaa.e

jise Thukrāne par ye jaan jaa.e

agar apnā leñ to īmān jaa.e

koī ham se kare itnī mohabbat

hamāre jhuuT bhī sach maan jaa.e

agar ummīd-e-manzil chhoḌ baiTheñ

to mumkin hai safar āsān jaa.e

hamārī zindagī tak haa.e zālim

taġhāful par tire qurbān jaa.e

phir apne aap ke baare meñ socheñ

jo zehn-o-dil se terā dhyān jaa.e

hameñ ik baar siine se lagā lo

ki dil se dard kā imkān jaa.e

bina bole hi sab kuchh jaan jae

wo kash aankhon ka dukh pahchan jae

jise Thukrane par ye jaan jae

agar apna len to iman jae

koi hum se kare itni mohabbat

hamare jhuT bhi sach man jae

agar ummid-e-manzil chhoD baiThen

to mumkin hai safar aasan jae

hamari zindagi tak hae zalim

taghaful par tere qurban jae

phir apne aap ke bare mein sochen

jo zehn-o-dil se tera dhyan jae

hamein ek bar sine se laga lo

ki dil se dard ka imkan jae