biranji panw mein uske chubhi hai

biranji paañv meñ us ke chubhī hai

bichāre mochī ko gaalī paḌī hai

dhamākā dil meñ hone vaalā hai kyā

ka.ī din se yahāñ kuchh sansanī hai

mujhe lagtā hai sho.ale kī harārat

añdhere meñ dhueñ ko tak rahī hai

yahīñ se paḌhte jā astaġhfirullāh

yahāñ se duur kuchh us kī galī hai

ye kaTnī mol meñ kartī hai gaḌbaḌ

tavā.if qaul kī bilkul kharī hai

tum apnī had meñ baiTho ahl-e-duniyā

tumhāre saath kis ne baat kī hai

ba-qaul-e-'rāz' niklo ma.arke se

ye duniyā hai jahāñ tak zindagī hai

gale meñ Daal ke rassī laTak jaao

mohabbat ik tarah kī ḳhud-kushī hai

achānak āsmāñ kā saaf honā

'shafaq' koī-na-.koī gaḌ-baḌī hai

biranji panw mein us ke chubhi hai

bichaare mochi ko gali paDi hai

dhamaka dil mein hone wala hai kya

kai din se yahan kuchh sansani hai

mujhe lagta hai shoale ki hararat

andhere mein dhuen ko tak rahi hai

yahin se paDhte ja astaghfirullah

yahan se dur kuchh us ki gali hai

ye kaTni mol mein karti hai gaDbaD

tawaif qaul ki bilkul khari hai

tum apni had mein baiTho ahl-e-duniya

tumhaare sath kis ne baat ki hai

ba-qaul-e-'raaz' niklo marke se

ye duniya hai jahan tak zindagi hai

gale mein Dal ke rassi laTak jao

mohabbat ek tarah ki KHud-kushi hai

achanak aasman ka saf hona

'shafaq' koi-na-koi gaD-baDi hai