burai ko bura samjho bhalai ko bhala samjho

burā.ī ko burā samjho bhalā.ī ko bhalā samjho

isī ko ibtidā samjho isī ko intihā samjho

musībat ko musībat jaan kar bilkul na ghabrāo

balā.eñ ḳhud nahīñ ātīñ muqaddar kā likhā samjho

adāvat se panap saktā nahīñ koī zamāne meñ

mohabbat ko tum apnī zindagī kā mudda.ā samjho

gharoñ ko tum jalāte ho dukāneñ luuT lete ho

agar kār-e-junūñ hai ye to phir ḳhud ko burā samjho

havā-e-tund kashtī ko Dubo saktī nahīñ 'shamsī'

ḳhudā har shai pe qādir hai usī ko nāḳhudā samjho

burai ko bura samjho bhalai ko bhala samjho

isi ko ibtida samjho isi ko intiha samjho

musibat ko musibat jaan kar bilkul na ghabrao

balaen KHud nahin aatin muqaddar ka likha samjho

adawat se panap sakta nahin koi zamane mein

mohabbat ko tum apni zindagi ka muddaa samjho

gharon ko tum jalate ho dukanen luT lete ho

agar kar-e-junun hai ye to phir KHud ko bura samjho

hawa-e-tund kashti ko Dubo sakti nahin 'shamsi'

KHuda har shai pe qadir hai usi ko naKHuda samjho