but-parasti ke sanam-KHane ka aasar na toD

but-parastī ke sanam-ḳhāne kā āsār na toḌ

ka.aba-e-dil mirā mast-e-mai-e-pindār na toḌ

ahd-e-mīsāq kā lāzim hai adab ai vaa.iz

hai ye paimān-e-vafā rishta-e-zunnār na toḌ

mohtasib sañg pe tū shīsha-e-mai ko na paTak

dil-e-rindān-e-mai-āshām ko zinhār na toḌ

rahm kar rahm ki ye chashm-e-chaman kā hai charāġh

jalva-e-gul se hai zīnat use ai yaar na toḌ

tauba karnī tujhe vājib hī na thī ai 'sāhir'

vo jo honā thā huā ab use bekār na toḌ

but-parasti ke sanam-KHane ka aasar na toD

kaba-e-dil mera mast-e-mai-e-pindar na toD

ahd-e-misaq ka lazim hai adab ai waiz

hai ye paiman-e-wafa rishta-e-zunnar na toD

mohtasib sang pe tu shisha-e-mai ko na paTak

dil-e-rindan-e-mai-asham ko zinhaar na toD

rahm kar rahm ki ye chashm-e-chaman ka hai charagh

jalwa-e-gul se hai zinat use ai yar na toD

tauba karni tujhe wajib hi na thi ai 'sahir'

wo jo hona tha hua ab use bekar na toD