buton ko bhul jate hain KHuda ko yaad karte hain

butoñ ko bhuul jaate haiñ ḳhudā ko yaad karte haiñ

barahman jab safar sū-e-allahabad karte haiñ

na gardan mārte haiñ vo na dete haiñ kabhī phāñsī

hasīnoñ ko ye sab mash.hūr kyuuñ jallād karte haiñ

sitam-ījād kahte haiñ ye kyuuñ ma.ashūq ko shā.ir

sitam bhī kyā koī shai hai jise ījād karte haiñ

hameñ batlā na deñ āshiq jo haiñ rū-e-kitābī par

sabaq hai kyā koī ma.ashūq jis ko yaad karte haiñ

buton ko bhul jate hain KHuda ko yaad karte hain

barahman jab safar su-e-allahabad karte hain

na gardan marte hain wo na dete hain kabhi phansi

hasinon ko ye sab mashhur kyun jallad karte hain

sitam-ijad kahte hain ye kyun mashuq ko shair

sitam bhi kya koi shai hai jise ijad karte hain

hamein batla na den aashiq jo hain ru-e-kitabi par

sabaq hai kya koi mashuq jis ko yaad karte hain