کلنڈر پھر پلٹتا ہے دسمبر پھر بدلتا ہے

کلنڈر پھر پلٹتا ہے دسمبر پھر بدلتا ہے

دعاؔ پھر چار سو میرے نیا منظر ابھرتا ہے

گھٹا جب چھٹنے لگتی ہے تو اس کی اوٹ سے یک دم

فلک پر سرد موسم میں حسیں سورج نکلتا ہے

محبت نے کہا مجھ سے محبت کے لیے پھر سے

تعلق تازہ کرنے کو مرا دل بھی مچلتا ہے

مرے دل کو تمہیں نے برف کا ٹکڑا کہا تھا ناں

وہی ٹکڑا محبت کی حرارت سے پگھلتا ہے

یہ درد و رنج آنکھوں کا بہا دو اپنے اشکوں میں

تمہارے پیار سے دلبر یہ میرا دل بہلتا ہے