chaha jinko bhi zindagi ki tarah
chāhā jin ko bhī zindagī kī tarah
vo mile mujh ko ajnabī kī tarah
mujh ko ilhām ho gayā shāyad
baat kartā huuñ ik nabī kī tarah
jaane kitne savāl ubhre haiñ
jab bhī sochā hai falsafī kī tarah
saarā manzar nikhartā jaatā hai
kaun hañstā hai aap hī kī tarah
ḳhuub charchā hai go saveroñ kā
raat phir bhī hai raat hī kī tarah
vaqt kī baat hai ki ab tum bhī
ham se milte ho ajnabī kī tarah
ye darindoñ kā shahr hai is meñ
kaun miltā hai aadmī kī tarah
chaha jin ko bhi zindagi ki tarah
wo mile mujh ko ajnabi ki tarah
mujh ko ilham ho gaya shayad
baat karta hun ek nabi ki tarah
jaane kitne sawal ubhre hain
jab bhi socha hai falsafi ki tarah
sara manzar nikharta jata hai
kaun hansta hai aap hi ki tarah
KHub charcha hai go saweron ka
raat phir bhi hai raat hi ki tarah
waqt ki baat hai ki ab tum bhi
hum se milte ho ajnabi ki tarah
ye darindon ka shahr hai is mein
kaun milta hai aadmi ki tarah
- Book : Lahar Lahar (Pg. 54)
- Author : Balbir Rathee
- Publication : Kadambari Prakashan, Delhi (1993)
- Edition : 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
