chahat mein aasman ki zamin ka nahin raha
chāhat meñ āsmāñ kī zamīñ kā nahīñ rahā
kyā bad-nasīb thā vo kahīñ kā nahīñ rahā
duniyā ke inhimāk meñ diiñ kā nahīñ rahā
ghar us kā jis jagah thā vahīñ kā nahīñ rahā
ye aur baat hai ki hameñ e'tibār ho
varna zamāna aaj yaqīñ kā nahīñ rahā
haañ kah ke apnī jaan bachāne lage haiñ log
ya.anī ki ab zamāna nahīñ kā nahīñ rahā
peshāniyoñ pe naqsh to sajde kā ban gayā
lekin kahīñ nishān jabīñ kā nahīñ rahā
'jāved' apne fikr-o-nazar āsmāñ se lā
pyāre zamāna ḳhāk-nashīñ kā nahīñ rahā
chahat mein aasman ki zamin ka nahin raha
kya bad-nasib tha wo kahin ka nahin raha
duniya ke inhimak mein din ka nahin raha
ghar us ka jis jagah tha wahin ka nahin raha
ye aur baat hai ki hamein e'tibar ho
warna zamana aaj yaqin ka nahin raha
han kah ke apni jaan bachane lage hain log
yani ki ab zamana nahin ka nahin raha
peshaniyon pe naqsh to sajde ka ban gaya
lekin kahin nishan jabin ka nahin raha
'jawed' apne fikr-o-nazar aasman se la
pyare zamana KHak-nashin ka nahin raha
- Book : Neend Shart Nahin (Pg. 29)
- Author : Khawaja Jawed Akhtar
- Publication : Shabkhoon Kitabghar Allahabad (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
