chahne par bhi na chaha hum ko

chāhne par bhī na chāhā ham ko

us ne ham se bhī chhupāyā ham ko

jis ne mazmūn likhe the ham par

us ne phir ḳhat bhī na likkhā ham ko

jo masarrat milī taqsīm huī

aur milā dard so tanhā ham ko

hādsoñ hī ne chaḌhāyā parvān

ġham mile hausla-afzā ham ko

ham ki duniyā ke liye ro.e haiñ

dekhnā ro.egī duniyā ham ko

chahne par bhi na chaha hum ko

us ne hum se bhi chhupaya hum ko

jis ne mazmun likhe the hum par

us ne phir KHat bhi na likkha hum ko

jo masarrat mili taqsim hui

aur mila dard so tanha hum ko

hadson hi ne chaDhaya parwan

gham mile hausla-afza hum ko

hum ki duniya ke liye roe hain

dekhna roegi duniya hum ko