chand ko dekh ke jugnu ne farmaya hai

chāñd ko dekh ke jugnū ne farmāyā hai

sub.h kā bhūlā shaam ko lauT ke aayā hai

vasl ne kam-umrī meñ jaan gañvā.ī aur

hijr hamārā amrit pī kar aayā hai

jo na ho paayā vo us kī marzī hai

jo bhī hotā hai vo us kī maayā hai

darj huā hai bad-nāmī ke khāte meñ

ishq meñ ham ne jitnā naam kamāyā hai

hairat karte haiñ bachche jab sunte haiñ

ek ruupe meñ ham ne kyā kyā khāyā hai

phir māyūsī ko is meñ phañsānā hogā

phir se ummīdoñ ne jaal bichhāyā hai

aur koī ab rañg nahīñ chaḌhtā mujh par

us ne aisā apnā rañg jamāyā hai

lafzoñ ne jab haath kabhī khīñchā apne

ḳhāmoshī ne apnā haath baḌhāyā hai

ḳhushiyoñ kā lamha bhī bachchoñ jaisā hai

ghuTnoñ ghuTnoñ chal kar mujh tak aayā hai

kaisī kaisī bāteñ dil meñ aa.iiñ haiñ

raat ga.e jab phone kisī kā aayā hai

chand ko dekh ke jugnu ne farmaya hai

subh ka bhula sham ko lauT ke aaya hai

wasl ne kam-umri mein jaan ganwai aur

hijr hamara amrit pi kar aaya hai

jo na ho paya wo us ki marzi hai

jo bhi hota hai wo us ki maya hai

darj hua hai bad-nami ke khate mein

ishq mein hum ne jitna nam kamaya hai

hairat karte hain bachche jab sunte hain

ek rupe mein hum ne kya kya khaya hai

phir mayusi ko is mein phansana hoga

phir se ummidon ne jal bichhaya hai

aur koi ab rang nahin chaDhta mujh par

us ne aisa apna rang jamaya hai

lafzon ne jab hath kabhi khincha apne

KHamoshi ne apna hath baDhaya hai

KHushiyon ka lamha bhi bachchon jaisa hai

ghuTnon ghuTnon chal kar mujh tak aaya hai

kaisi kaisi baaten dil mein aain hain

raat gae jab phone kisi ka aaya hai