chand ko reshmi baadal se ulajhta dekhun

chāñd ko reshmī bādal se ulajhtā dekhūñ

vo havā hai kabhī āñchal kabhī chehrā dekhūñ

dekhne niklā huuñ duniyā ko magar kyā dekhūñ

jis taraf aañkh uThā.ūñ vahī chehrā dekhūñ

us ke chehre se lapak uTThe to lau tham jaa.e

dil meñ hasrat hai darīcha vahī khultā dekhūñ

dā.era khīñch ke baiThā huuñ baḌī muddat se

ḳhud se niklūñ to kisī aur kā rasta dekhūñ

ye vo darvāza hai kholūñ to koī aa na sake

aur agar band karūñ dil hī meñ duniyā dekhūñ

vo ajab chiiz hai us kā koī chehra hī nahīñ

ek pardā jo uThe dūsrā pardā dekhūñ

vo chakā-chauñd se niklegā na ghar se koī

dhuup agar chhiTke vo hañstā huā chehra dekhūñ

merā saaya ho ki maiñ koī to dhokā hai zarūr

ghar meñ ā.īna ki ghar se pare dariyā dekhūñ

koī phal-phūl nahīñ maġhribī chaTTānoñ par

chāñd jis gaañv se ugtā hai vo duniyā dekhūñ

rāt-bhar roke bhī bujhtī nahīñ siine kī tapish

kabhī yuuñ ho ke sirhāne ko sulagtā dekhūñ

'ashk' kuchh baat hī karne kā bahāna mil jaa.e

us ke chehre pe agar yaas kā saayā dekhūñ

chand ko reshmi baadal se ulajhta dekhun

wo hawa hai kabhi aanchal kabhi chehra dekhun

dekhne nikla hun duniya ko magar kya dekhun

jis taraf aankh uThaun wahi chehra dekhun

us ke chehre se lapak uTThe to lau tham jae

dil mein hasrat hai daricha wahi khulta dekhun

daera khinch ke baiTha hun baDi muddat se

KHud se niklun to kisi aur ka rasta dekhun

ye wo darwaza hai kholun to koi aa na sake

aur agar band karun dil hi mein duniya dekhun

wo ajab chiz hai us ka koi chehra hi nahin

ek parda jo uThe dusra parda dekhun

wo chaka-chaund se niklega na ghar se koi

dhup agar chhiTke wo hansta hua chehra dekhun

mera saya ho ki main koi to dhoka hai zarur

ghar mein aaina ki ghar se pare dariya dekhun

koi phal-phul nahin maghribi chaTTanon par

chand jis ganw se ugta hai wo duniya dekhun

raat-bhar roke bhi bujhti nahin sine ki tapish

kabhi yun ho ke sirhane ko sulagta dekhun

'ashk' kuchh baat hi karne ka bahana mil jae

us ke chehre pe agar yas ka saya dekhun