chand nikle kisi jaanib teri zebai ka
chāñd nikle kisī jānib tirī zebā.ī kā
rañg badle kisī sūrat shab-e-tanhā.ī kā
daulat-e-lab se phir ai ḳhusrav-e-shīrīñ-dahanāñ
aaj arzāñ ho koī harf shanāsā.ī kā
garmi-e-rashk se har anjuman-e-gul-badanāñ
tazkira chheḌe tirī pairahan-ārā.ī kā
sehn-e-gulshan meñ kabhī ai shah-e-shamshād-qadāñ
phir nazar aa.e salīqa tirī ra.anā.ī kā
ek baar aur masīhā-e-dil-e-dil-zadagāñ
koī va.ada koī iqrār masīhā.ī kā
diida o dil ko sambhālo ki sar-e-shām-e-firāq
sāz-o-sāmān baham pahuñchā hai rusvā.ī kā
chand nikle kisi jaanib teri zebai ka
rang badle kisi surat shab-e-tanhai ka
daulat-e-lab se phir ai KHusraw-e-shirin-dahanan
aaj arzan ho koi harf shanasai ka
garmi-e-rashk se har anjuman-e-gul-badanan
tazkira chheDe teri pairahan-arai ka
sehn-e-gulshan mein kabhi ai shah-e-shamshad-qadan
phir nazar aae saliqa teri ranai ka
ek bar aur masiha-e-dil-e-dil-zadagan
koi wada koi iqrar masihai ka
dida o dil ko sambhaalo ki sar-e-sham-e-firaq
saz-o-saman baham pahuncha hai ruswai ka
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
