chand sitare qaid hain sare waqt ke bandi-KHane mein
chāñd sitāre qaid haiñ saare vaqt ke bandī-ḳhāne meñ
lekin maiñ āzād huuñ saaqī chhoTe se paimāne meñ
umr hai faanī umr hai baaqī is kī kuchh parvā hī nahīñ
tū ye kah de vaqt lagegā kitnā aane jaane meñ
tujh se duurī duurī kab thī paas aur duur to dhokā haiñ
farq nahīñ anmol ratan ko kho kar phir se paane meñ
do pal kī thī andhī javānī nā-dānī kī bhar paayā
umr bhalā kyuuñ biite saarī ro ro kar pachhtāne meñ
pahle terā dīvāna thā ab hai apnā dīvāna
pāgal-pan hai vaisā hī kuchh farq nahīñ dīvāne meñ
ḳhushiyāñ aa.iiñ achchhā aa.iiñ mujh ko kyā ehsās nahīñ
sudh-budh saarī bhuul gayā huuñ dukh ke giit sunāne meñ
apnī biitī kaise sunā.eñ mad-mastī kī bāteñ haiñ
'mīrā-jī' kā jīvan biitā paas ke ik mai-ḳhāne meñ
chand sitare qaid hain sare waqt ke bandi-KHane mein
lekin main aazad hun saqi chhoTe se paimane mein
umr hai fani umr hai baqi is ki kuchh parwa hi nahin
tu ye kah de waqt lagega kitna aane jaane mein
tujh se duri duri kab thi pas aur dur to dhoka hain
farq nahin anmol ratan ko kho kar phir se pane mein
do pal ki thi andhi jawani na-dani ki bhar paya
umr bhala kyun bite sari ro ro kar pachhtane mein
pahle tera diwana tha ab hai apna diwana
pagal-pan hai waisa hi kuchh farq nahin diwane mein
KHushiyan aain achchha aain mujh ko kya ehsas nahin
sudh-budh sari bhul gaya hun dukh ke git sunane mein
apni biti kaise sunaen mad-masti ki baaten hain
'mira-ji' ka jiwan bita pas ke ek mai-KHane mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
