چاند ان آنکھوں نے دیکھا اور ہے
چاند ان آنکھوں نے دیکھا اور ہے
شہر دل پہ جگمگاتا اور ہے
لمس کی وہ روشنی بھی بجھ گئی
جسم کے اندر اندھیرا اور ہے
اے سمندر راستہ دینا مجھے
لوح جاں پہ نام لکھا اور ہے
وہ جو چڑیا ناچتی ہے شاخ پر
اس کے اندر ایک چڑیا اور ہے
موڑ پر رک جائے کہ کچی سڑک
ساتھ چلتا ہے وہ رستہ اور ہے
ہجر کے سائے نہ تصویر خزاں
یار اس کے گھر کا رستہ اور ہے
تالیوں سے ہال سارا بھر گیا
جانتا ہوں شعر سچا اور ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
