chaar su KHauf-e-tirgi hai bahut

chaar sū ḳhauf-e-tīrgī hai bahut

shab ko ehsās-e-bartarī hai bahut

hukm-e-tāza hai un ko gul kar do

jin charāġhoñ se raushnī hai bahut

naḳhl-e-jāñ phir jhulas na jaa.e kahīñ

dhuup ehsās kī kaḌī hai bahut

jām-e-mai ho ki sāġhar-e-zahrāb

kuchh bhī aa.e ki tishnagī hai bahut

dard kā chāñd hī nikal aa.e

dil ke sahrā meñ tīrgī hai bahut

kam na thā jahl kā azaab 'shamīm'

aur ab karb-e-āgahī hai bahut

chaar su KHauf-e-tirgi hai bahut

shab ko ehsas-e-bartari hai bahut

hukm-e-taza hai un ko gul kar do

jin charaghon se raushni hai bahut

naKHl-e-jaan phir jhulas na jae kahin

dhup ehsas ki kaDi hai bahut

jam-e-mai ho ki saghar-e-zahrab

kuchh bhi aae ki tishnagi hai bahut

dard ka chand hi nikal aae

dil ke sahra mein tirgi hai bahut

kam na tha jahl ka azab 'shamim'

aur ab karb-e-agahi hai bahut