chaar-su sail-e-sipah-e-mah-o-aKHtar tera

chār-sū sail-e-sipāh-e-mah-o-aḳhtar terā

sarhad-e-shab se guzartā huā lashkar terā

be-karāñ tū hī mahākāt-e-shab-o-roz meñ hai

dasht-e-zulmat tirā rahvār-e-munavvar terā

kurra-e-bād pe sad-rañg manāzir tere

halqa-e-arz meñ yak-naqsh samundar terā

harf-e-qirtās jihat-gīr hai tafsīr tirī

aks-e-ā.īna-e-aurañg hai jauhar terā

dām-e-girdāb meñ biphrī huī maujeñ terī

tah meñ paanī kī girāñ-māya-e-gauhar terā

chaar-su sail-e-sipah-e-mah-o-aKHtar tera

sarhad-e-shab se guzarta hua lashkar tera

be-karan tu hi mahakat-e-shab-o-roz mein hai

dasht-e-zulmat tera rahwar-e-munawwar tera

kurra-e-baad pe sad-rang manazir tere

halqa-e-arz mein yak-naqsh samundar tera

harf-e-qirtas jihat-gir hai tafsir teri

aks-e-aina-e-aurang hai jauhar tera

dam-e-girdab mein biphri hui maujen teri

tah mein pani ki giran-maya-e-gauhar tera