chaarasaz-e-zaKHm-e-dil waqt-e-rafu rone laga

chārasāz-e-zaḳhm-e-dil vaqt-e-rafū rone lagā

jī bhar aayā dīda-e-sozan lahū rone lagā

bas ki thī rone kī aadat vasl meñ bhī yaar se

kah ke apnā aap hāl-e-ārzū rone lagā

ḳhanda-e-zaḳhm-e-jigar ne dil dukhāyā aur bhī

jis ghaḌī TuuTā koī tār-e-rafū rone lagā

sadma-e-be-rahmi-e-sāqī na uTThā bazm meñ

jī bhar aayā dekh kar ḳhālī subū rone lagā

thā adam meñ khīñch laayā āb-o-dāna jab yahāñ

dekh kar bechārgī se chaar sū rone lagā

aa gayā kaabe meñ jab mehrāb-e-abrū kā ḳhayāl

baiTh kar 'taslīm'-e-ḳhasta qibla-rū rone lagā

chaarasaz-e-zaKHm-e-dil waqt-e-rafu rone laga

ji bhar aaya dida-e-sozan lahu rone laga

bas ki thi rone ki aadat wasl mein bhi yar se

kah ke apna aap haal-e-arzu rone laga

KHanda-e-zaKHm-e-jigar ne dil dukhaya aur bhi

jis ghaDi TuTa koi tar-e-rafu rone laga

sadma-e-be-rahmi-e-saqi na uTTha bazm mein

ji bhar aaya dekh kar KHali subu rone laga

tha adam mein khinch laya aab-o-dana jab yahan

dekh kar bechaargi se chaar su rone laga

aa gaya kabe mein jab mehrab-e-abru ka KHayal

baiTh kar 'taslim'-e-KHasta qibla-ru rone laga