chaaron taraf hain Khaar-o-KHas dasht mein ghar hai bagh sa
chaaron taraf hain Khaar-o-KHas dasht mein ghar hai bagh sa
Zubair Shifai
MORE BYZubair Shifai
chāroñ taraf haiñ ḳhār-o-ḳhas dasht meñ ghar hai baaġh sā
choTī pe kohsār kī jaltā hai kyā charāġh sā
āb-e-ravāñ kī guuñj se shorish-e-ḳhāk-o-bād tak
maiñ hī huuñ naqsh-e-jāvedāñ maiñ hī adam-surāġh sā
sub.h bhī resha resha hai shaam bhī hai rafū-talab
sīna-e-mahtāb bhī varna hai dil-e-dāġh sā
bahs huī na tabsira shor uThā na chup lagī
dil kī bisāt thī hī kyā TuuT gayā ayāġh sā
sher kaho to chup rahe kuchh na kaho to chauñk uThe
shahr meñ ek 'zubair' hai shā.ir-e-kam-dimāġh sā
chaaron taraf hain KHar-o-KHas dasht mein ghar hai bagh sa
choTi pe kohsar ki jalta hai kya charagh sa
aab-e-rawan ki gunj se shorish-e-KHak-o-baad tak
main hi hun naqsh-e-jawedan main hi adam-suragh sa
subh bhi resha resha hai sham bhi hai rafu-talab
sina-e-mahtab bhi warna hai dil-e-dagh sa
bahs hui na tabsira shor uTha na chup lagi
dil ki bisat thi hi kya TuT gaya ayagh sa
sher kaho to chup rahe kuchh na kaho to chaunk uThe
shahr mein ek 'zubair' hai shair-e-kam-dimagh sa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
