chain dil ko na aaega kab tak

chain dil ko na aa.egā kab tak

vo mujhe yuuñ satā.egā kab tak

ai sitamgar tire sitam āḳhir

koī bekas uThā.egā kab tak

zarf par apne naaz hai mujh ko

āsmāñ tū satā.egā kab tak

vo rahegā ḳhafā agar yuuñ hī

koī āḳhir manā.egā kab tak

hijr kā mere ham-nashīñ koī

un ko qissa sunā.egā kab tak

chhā chukī haiñ ghaTā.eñ ab har-sū

sāqiyā mai pilā.egā kab tak

sho.ala-e-ishq kyā ḳhabar 'paikāñ'

mere dil ko jalā.egā kab tak

chain dil ko na aaega kab tak

wo mujhe yun sataega kab tak

ai sitamgar tere sitam aaKHir

koi bekas uThaega kab tak

zarf par apne naz hai mujh ko

aasman tu sataega kab tak

wo rahega KHafa agar yun hi

koi aaKHir manaega kab tak

hijr ka mere ham-nashin koi

un ko qissa sunaega kab tak

chha chuki hain ghaTaen ab har-su

saqiya mai pilaega kab tak

shoala-e-ishq kya KHabar 'paikan'

mere dil ko jalaega kab tak