chain mujhko mila kahan ab tak

chain mujh ko milā kahāñ ab tak

le rahā hai vo imtihāñ ab tak

haal mujh se na pūchhiye merā

ashk āñkhoñ se hai ravāñ ab tak

bijliyāñ to sakūñ se lauT ga.iiñ

jal rahā hai ye āshiyāñ ab tak

ghar se niklā talāsh meñ jis kī

DhūñD paayā na vo makāñ ab tak

shahr to kab kā jal chukā 'asġhar'

uTh rahā hai magar dhuāñ ab tak

chain mujh ko mila kahan ab tak

le raha hai wo imtihan ab tak

haal mujh se na puchhiye mera

ashk aankhon se hai rawan ab tak

bijliyan to sakun se lauT gain

jal raha hai ye aashiyan ab tak

ghar se nikla talash mein jis ki

DhunD paya na wo makan ab tak

shahr to kab ka jal chuka 'asghar'

uTh raha hai magar dhuan ab tak