chal mere sath zara ho ke najaf aate hain

chal mire saath zarā ho ke najaf aate haiñ

ye vo bastī hai jahāñ ahl-e-sharaf aate haiñ

terī āvāz pe dauḌe hue ā.eñge ham

jaise azaan pe masjid kī taraf aate haiñ

tū zarā taal baḌhā kar koī misra.a to uThā

kis tarah dekhnā ham dast-ba-daf aate haiñ

terī āñkheñ haiñ chhalakte hue jāmoñ kī sharāb

tū bulā.e to ba-sad-shauq-o-shaġhaf aate haiñ

tujh ko paane ke liye ham ne chunā hai sahrā

dekh dīvāne haiñ aur sū-e-hadaf aate haiñ

tez lahje meñ koī tujh se muḳhātib ho to ham

aañkh meñ ḳhuun bhare teġh-ba-kaf aate haiñ

chal mere sath zara ho ke najaf aate hain

ye wo basti hai jahan ahl-e-sharaf aate hain

teri aawaz pe dauDe hue aaenge hum

jaise azan pe masjid ki taraf aate hain

tu zara tal baDha kar koi misra to uTha

kis tarah dekhna hum dast-ba-daf aate hain

teri aankhen hain chhalakte hue jamon ki sharab

tu bulae to ba-sad-shauq-o-shaghaf aate hain

tujh ko pane ke liye hum ne chuna hai sahra

dekh diwane hain aur su-e-hadaf aate hain

tez lahje mein koi tujh se muKHatib ho to hum

aankh mein KHun bhare tegh-ba-kaf aate hain