chal nahin sakte wahan zehn-e-rasa ke joD-toD
chal nahīñ sakte vahāñ zehn-e-rasā ke joḌ-toḌ
un kī chāleñ haiñ qayāmat kī balā ke joḌ-toḌ
hai nazar-andāz koī koī manzūr-e-nazar
dekhnā us but kī chashm-e-fitna-zā ke joḌ-toḌ
kaj-adā.ī baat hai jis kī lagāvaT khel hai
siikh le us fitna-gar se koī aa ke joḌ-toḌ
pā ke qaabū karte haiñ ahl-e-ġharaz kyā dāñv-ghāt
chalte haiñ matlab kī chāleñ mudda.ā ke joḌ-toḌ
dost ban kar karte haiñ nekī ke parde meñ badī
rāj-niyyat ye hai dekho aġhniyā ke joḌ-toḌ
saḳhtiyāñ ustād haiñ insāñ kī duniyā meñ 'habīb'
karte haiñ maġhlūb ko ġhālib sikhā ke joḌ-toḌ
chal nahin sakte wahan zehn-e-rasa ke joD-toD
un ki chaalen hain qayamat ki bala ke joD-toD
hai nazar-andaz koi koi manzur-e-nazar
dekhna us but ki chashm-e-fitna-za ke joD-toD
kaj-adai baat hai jis ki lagawaT khel hai
sikh le us fitna-gar se koi aa ke joD-toD
pa ke qabu karte hain ahl-e-gharaz kya danw-ghat
chalte hain matlab ki chaalen muddaa ke joD-toD
dost ban kar karte hain neki ke parde mein badi
raj-niyyat ye hai dekho aghniya ke joD-toD
saKHtiyan ustad hain insan ki duniya mein 'habib'
karte hain maghlub ko ghaalib sikha ke joD-toD
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
