chal raha hai jo yahan tu baDe pindar ke sath

chal rahā hai jo yahāñ tū baḌe pindār ke saath

sar na aa jaa.e zamīñ par kahīñ dastār ke saath

jañg kā faisla dushman ko mire karnā hai

phuul rakhtā huuñ maiñ ik haath meñ talvār ke saath

ghar kī taqsīm se hal koī nahīñ niklegā

mas.ale aur khaḌe hote haiñ dīvār ke saath

is liye ḳhauf nahīñ madd-e-muqābil kā mujhe

jaañ hathelī pe jo rakhtā huuñ maiñ inkār ke saath

mārne vaale kahānī meñ mujhe bhuul ga.e

lauT ā.ūñgā maiñ phir se na.e kirdār ke saath

ab mirī fat.h ke āsār numāyāñ haiñ bahut

ab sabhī dost mire mil ga.e aġhyār ke saath

chal raha hai jo yahan tu baDe pindar ke sath

sar na aa jae zamin par kahin dastar ke sath

jang ka faisla dushman ko mere karna hai

phul rakhta hun main ek hath mein talwar ke sath

ghar ki taqsim se hal koi nahin niklega

masale aur khaDe hote hain diwar ke sath

is liye KHauf nahin madd-e-muqabil ka mujhe

jaan hatheli pe jo rakhta hun main inkar ke sath

marne wale kahani mein mujhe bhul gae

lauT aaunga main phir se nae kirdar ke sath

ab meri fath ke aasar numayan hain bahut

ab sabhi dost mere mil gae aghyar ke sath